Golfklúbburinn Hamar

img_3018.jpg
Home

Lokahóf barna og unglinga

lokahof2016 6

lokahof2016 7

Á myndunum eru Amanda, Snædís, Veigar og Arnór Snær sem fengu viðurkennigu fyrir frábæran árangur í sumar og svo Daníel Rozzasa sem var valinn besti félaginn.

Lokahóf Barna- og unglinganefndar GHD fór fram í inniaðstöðunni í Víkurröst á föstudaginn. Vel var mætt og fóru krakkarnir í ýmsa golf-leiki og þrautir undir dyggri stjórn Heiðars Davíðs og stjórn Barna-og unglinganefndar. Þá voru veitingar í boði og svo afhentar viðurkenningar fyrir afrek sumarsins. Eins og undanfarin á er árangur okkar krakka alveg frábær og við erum mjög stolt af starfinu okkar í GHD. Viðurkenningar fyrir sumarið 2016 hlutu:

Besti félaginn: Daníel Rosazza

Besta ástundun: Amanda Guðrún Bjarnadóttir

Viðurkenningar fyrir fyrstu forgjafarlækkun:

                               Aron Ingi Gunnarsson

                               Árni Stefán Friðriksson

Birnir Kristjánsson

Maron Björgvinsson

Óskar Karel Snæþórsson

Veigar Heiðarsson

Daníel Rosazza

Mesta forgjafarlækkun þeirra sem ekki höfðu lækkað áður: Birnir Kristjánsson

Mesta forgjafarlækkun þeirra sem höfðu lækkað áður: Daði Hrannar Jónsson

Viðurkenningar fyrir frábæran árangur 2016:

                               Veigar Heiðarsson

                               Amanda Guðrún Bjarnadóttir

                               Arnór Snær Guðmundsson

                               Snædís Ósk Aðalsteinsdóttir

 

Æfingatafla haustsins hjá börnum og unglingum

Þá eru haustæfingar að hefjast í inniaðstöðunni. Hér að neðan er æfingatafla haustsins. Við minnum svo foreldra á að skrá börn sín í Æskuræktina, bæði til að fá hvatagreiðslu og eins fyrir okkur til að halda utan um iðkenndahópinn.

Aefingatafla-haust16

 

Karlaslútt 2016

Þá er komið að því, Karlaslúttferðin 2016. Undirbúningshópurinn er búinn að setja saman massíva ferð sem farin verður laugardaginn 17. september. Þetta er eitthvað sem enginn karl í klúbbnum vill missa af. Fjölmargar ferðaskrifstofur hafa sóst eftir því að fá að selja í þessa ferð en hún er eingöngu fyrir þá sem tilheyra hinum útvalda hópi karla í GHD og þeim sem sótt hafa karlakvöldin í sumar. Sjóðurinn góði greiðir stóran hluta kostnaðarins svo hver þátttakandi þarf aðeins að greiða 5.000 krónur, sem greiðast við brottför. Hér að neðan er dagskrá ferðarinnar. Skráning fer fram í gegnum Facebook-hóp karlakvöldanna eða hjá Bjarna (862-8283) eða Gumma (892-3381).

Dagskrá

09:00                Brottför frá Víkurröst (það verður engin rúta heldur langferðabíll)
11:00 - 13:30    Spilaðar 9 holur á Skagaströnd
13:30 - 14:30    Brunch á Skagaströnd
15:00 - 17:30    Spilaðar 9 holur á Sauðárkróki
18:00 - 20:00    Matur á Hard Wok Cafe á Sauðárkróki, verðlaunaafhending fyrir spil dagsins og afrek sumarsins
22:00                Áætluð heimkoma

Ferðin í fyrra var frábær og þessi gæti orðið enn betri svo nú er um að gera að skrá sig og taka daginn frá.

Athugið að ef veðurútlit verður þannig, er hugsanlegt að ferðin verði flutt yfir á sunnudag.

 

Íbúafundur í Bergi

Fólkvangurinn í Böggvisstaðafjalli: Fjölbreyttir útivistarmöguleikar.

Golfklúbburinn Hamar boðar til opins umræðu- og kynningarfundar vegna umsóknar klúbbsins um land undir golfvöll í fólkvangi Dalvíkurbyggðar.  Bygging golfvallar er mikil framkvæmd sem gefur tækifæri til þess að skipuleggja svæðið í heild til ýmisskonar útivistar með t.d. upplýstum göngustígum, hjólastígum, reiðleiðum og leiksvæði. 

Hefur þú skoðun á því hvað á að vera á svæðinu?

Fundurinn verður í Bergi fimmtudaginn 15. september  kl. 17:30

Árið 2015 fékk GHD Edwin Roald golfvallahönnuð til að gera úttekt á möguleikanum á að byggja nýjan golfvöll út frá skíðaskálanum Brekkuseli og jafnframt úttekt á uppbyggingu golfvallarins í Arnarholti til þess að sá völlur myndi standast þær kröfur sem gerðar eru til golfvalla í dag. Skýrslan kom út fyrir s.l. áramót  og er að finna hér til hliðar á vefsíðu GHD og á heimasíðu Dalvíkurbyggðar, www.dalvikurbyggd.is.

Edwin mun segja frá gerð skýrslunnar og fara yfir helstu niðurstöður  á fundinum. Þá munu Ágúst Jensson framkvæmdastjóri GA og Ingólfur Jóhannsson framkvæmdastjóri Skógræktarfélags Eyfirðinga taka til máls. Eftir erindin verður orðið laust fyrir fundargesti og frummælendur ásamt fulltrúum sveitarfélagsins og Golfklúbbnum Hamri verða til svara.

Allir velkomir.  Golfklúbburinn  Hamar

 

Arnór Snær valinn í U18 ára landsliðið fyrir EM

arnorsnaergudmundsson2016
Arnór Snær Guðmundsson, GHD.

Úlfar Jónsson landsliðsþjálfari hefur valið sex leikmenn sem keppa fyrir Íslands hönd á Evrópumóti U18 ára pilta. Mótið fram fer í Prag í Tékklandi dagana 14.17. september n.k. Keppt verður á Golf Mladá Boleslav vellinum sem er rétt fyrir utan höfuðborgina Prag. Okkar maður, Arnór Snær Guðmundsson, var valinn til að leika fyrir Íslands hönd enda einn af allra efnilegustu kylfingum landsins, Til hamingju Arnór!

Liðið er þannig skipað:

Arnór Snær Guðmundsson, GHD
Fannar Ingi Steingrímsson, GHG
Hákon Örn Magnússon, GR
Henning Darri Þórðarson, GK
Hlynur Bergsson, GKG
Kristján Benedikt Sveinsson, GA

 

Page 7 of 46

Símanúmer í golfskála
466-1204

Free business joomla templates